കണ്ണൂര്‍: ജില്ലയില്‍ കൊടുംചൂടിനെ തുടര്‍ന്നുള്ള സൂര്യാതപം തുടരുന്നു. ഇരിട്ടിയില്‍ അങ്കണവാടി വിദ്യാര്‍ഥിക്കും ഇരിക്കൂര്‍ പെരുമണ്ണില്‍ വിമുക്തഭടനുമാണ് പൊള്ളലേറ്റത്.
വിളമന ഉയഗിരിയില്‍ അങ്കണവാടി വിദ്യാര്‍ഥിയായ നവീന് പുറത്തും കഴുത്തിനുതാഴെയുമായാണ് പൊള്ളലേറ്റത്. ഇതിനെ തുടര്‍ന്ന് ഇരിട്ടി താലൂക്കാശുപത്രിയില്‍ ചികിത്സ തേടി.
ഇരിക്കൂറില്‍ വിമുക്തഭടന്‍ ലക്ഷ്മി നിവാസില്‍ സി. കേശവ മാരാര്‍ (77)ക്കാണ് പൊള്ളലേറ്റത്. ഇദ്ദേഹത്തിന്റെ വലതുകാലിന്റെ പിന്‍ഭാഗത്താണ് പൊള്ളലേറ്റത്. തോട്ടത്തില്‍ കശുവണ്ടി പെറുക്കുന്നതിനിടയിലാണ് പൊള്ളലേറ്റ ഇദ്ദേഹത്തെ ഇരിക്കൂര്‍ ഗവ. സാമൂഹ്യാരോഗ്യ കേന്ദ്രത്തില്‍ പ്രവേശിപ്പിച്ചു.