കൊച്ചി: ജെസെല്‍ കാര്‍നേറോ കേരളാ ബ്ലാസ്റ്റേഴ്‌സില്‍ തുടരും. ഗോവന്‍ ലെഫ്റ്റ് ബാക്കായ ജെസലുമായി മൂന്ന് വര്‍ഷത്തെക്കാണ് ബ്ലാസ്റ്റേഴ്‌സ് കരാര്‍ നീട്ടിയത്. ഗോവന്‍ പ്രൊഫഷണല്‍ ലീഗിലൂടെ വളര്‍ന്നുവന്ന ജെസല്‍ 2018-19 സീസണില്‍ സന്തോഷ് ട്രോഫിയില്‍ ഗോവന്‍ ടീമിന്റെ നായകനായിരുന്നു. ഇവിടെ നിന്നായിരുന്നു കേരളാ ബ്ലാസ്റ്റേഴ്‌സിലെത്തിയത്. കഴിഞ്ഞ സീസണില്‍ നടത്തിയ മികച്ച പ്രകടനമാണ് താരത്തിന് കരാര്‍ നീട്ടിനല്‍കാന്‍ ബ്ലാസ്റ്റേഴ്‌സിനെ പ്രേരിപ്പിച്ചത്. ബ്ലാസ്റ്റേഴ്‌സിന്റെ ബാക്ക്‌നിരയില്‍ അത്ഭുതം കാണിക്കാന്‍ ജെസലിന് കഴിയുമെന്ന് ബ്ലാസ്റ്റേഴ്‌സിന്റെ പുതിയ പരിശീലകന്‍ കിബു വികുന പറഞ്ഞു. ജെസല്‍ കഴിഞ്ഞ സീസണിലെ എല്ലാ കളികളിലും എല്ലാ മിനുട്ടും ക്ലബ്ബിനായി കളിച്ചു.