അന്തിക്കാട്: വൃദ്ധയെ കബളിപ്പിച്ച് അഞ്ചുപവന്‍ സ്വര്‍ണാഭരണങ്ങള്‍ ഊരി വാങ്ങി കടന്നു കളഞ്ഞ യുവതിയെ തേടി പഴയന്നൂര്‍ പൊലിസ് അരിമ്പൂരില്‍ പരിശോധന നടത്തി.
അരിമ്പൂര്‍ പഞ്ചായത്തില്‍ വാടകക്ക് താമസിച്ചിരുന്ന എല്‍തുരുത്ത് സ്വദേശി കുരുതുകുളങ്ങര ഓമന ബെന്നിയാണ് തട്ടിപ്പ് നടത്തിയത്.
പഴയന്നൂര്‍ തിരുവില്വാമല എരവ തൊടി സ്വദേശി പുഴയ്ക്കത്ര പറമ്പില്‍ കാര്‍ത്ത്യായനി (77) യുടെ സ്വര്‍ണാഭരണങ്ങളാണ് നഷ്ടപെട്ടത്.
മാര്‍ച്ച് 28നാണ് കേസിനാസ്പദമായ സംഭവം.
അങ്കമാലി, മലപ്പുറം, ചേര്‍പ്പ്, തൃശൂര്‍ വെസ്റ്റ്, ഈസ്റ്റ്, പൊലിസ് സ്‌റ്റേഷനുകളില്‍ ഓമനക്കെതിരേ നിരവധി തട്ടിപ്പു കേസുകള്‍ നിലവിലുണ്ടെന്ന് എസ്.ഐ ഷെയ്ക്ക് ഹമീദ് പറഞ്ഞു.