തിരൂര്‍: കേരളാ ഗവ. പ്രൈമറി സ്‌കൂള്‍ ഹെഡ്മാസ്റ്റേഴ്‌സ് അസോസിയേഷന്‍ 44ാം സംസ്ഥാന സമ്മേളനം മന്ത്രി കെ.ടി ജലീല്‍ ഉദ്ഘാടനം ചെയ്തു. ജനറല്‍ സെക്രട്ടറി രാജന്‍ കരിവെള്ളൂര്‍ അധ്യക്ഷനായി. എസ്.സി.ഇ.ആര്‍.ടി ഡയറക്ടര്‍ സുരേഷ്‌കുമാര്‍ ഐ.എ.എസ് മുഖ്യപ്രഭാഷണം നടത്തി.
മലപ്പുറം ഡി.ഡി.ഇ പി. സഫറുല്ല, അസോസിയേഷന്‍ ട്രഷറര്‍ പി. സൈതലവി, സംസ്ഥാന കമ്മിറ്റിയംഗം ബഷീര്‍ കരുണിയന്‍, അനില്‍കുമാര്‍, കെ.വി ബാലകൃഷ്ണന്‍ സംസാരിച്ചു. പ്രതിനിധി സമ്മേളനം സി. മമ്മൂട്ടി എം.എല്‍.എ ഉദ്ഘാടനം ചെയ്തു. പ്രസിഡന്റ് ടി.കെ മുകുന്ദന്‍ അധ്യക്ഷനായി. ജനറല്‍ സെക്രട്ടറി രാജന്‍ കരിവെള്ളൂര്‍ റിപ്പോര്‍ട്ടും എം. ഉണ്ണികൃഷ്ണന്‍ വരവ് ചെലവ് കണക്കും അവതരിപ്പിച്ചു. യാത്രയയപ്പ് സമ്മേളനത്തില്‍ മുന്‍ ജനറല്‍ സെക്രട്ടറി കെ. ബാബു ഉപഹാരങ്ങള്‍ സമ്മാനിച്ചു. അമീര്‍ഷാ മുഹമ്മദ് അധ്യക്ഷനായി. കെ. മുഹമ്മദ് സാലിം, വി. നാരായണന്‍ സംസാരിച്ചു.