തളിപ്പറമ്പ്: സസ്യരോഗ പരിശോധനയ്ക്ക് ജില്ലയിലെ ആദ്യത്തെ ക്ലിനിക്ക് കരിമ്പത്തെ ജില്ലാ മണ്ണ് പരിശോധന ലബോറട്ടറി ബില്‍ഡിങ്ങില്‍ ഇന്ന് പ്രവര്‍ത്തനം തുടങ്ങും. വിളകള്‍ക്ക് ഉണ്ടാകുന്ന രോഗങ്ങളേതെന്ന് തിരിച്ചറിഞ്ഞ് പ്രതിവിധികള്‍ തേടാന്‍ ഇവിടെ സൗകര്യങ്ങള്‍ ഏര്‍പ്പെടുത്തിയിട്ടുണ്ട്. രോഗം ബാധിച്ച ഇലകളും കായകളും പരിശോധിച്ച് ഏതുതരം രോഗമാണെന്നും പ്രതിവിധിയായി എന്ത് ചെയ്യണമെന്നും ക്ലിനിക്കിലെ ഉദ്യോഗസ്ഥര്‍ നിര്‍ദേശം നല്‍കും. പൂര്‍ണമായും സൗജന്യമായിട്ടാണ് സേവനം. കാര്‍ഷിക വിളകളുടെ കീടരോഗ നിയന്ത്രണം യഥാസമയം നടത്തുന്നതിനുള്ള എല്ലാ നൂതന സാങ്കേതിക വിദ്യകളും ഇവിടെ ലഭ്യമാണ്. ക്ലിനിക്കിന്റെ ഉദ്ഘാടനം ഇന്ന് രാവിലെ 10ന് കരിമ്പം ജൈവവൈവിദ്ധ്യ കേന്ദ്രത്തില്‍ ജയിംസ് മാത്യു എം.എല്‍.എ നിര്‍വഹിക്കും. ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനാകും.