അജാനൂര്‍: നോര്‍ത്ത് ചിത്താരിയില്‍ നിര്‍മിച്ച ശംസുല്‍ ഉലമാ ഇസ്‌ലാമിക് സെന്റര്‍ ഉദ്ഘാടനവും സമസ്ത സെക്രട്ടറി ആലിക്കുട്ടി മുസ്‌ലിയാര്‍ക്കുള്ള സ്വീകരണവും മജ്‌ലിസുന്നൂറും 20, 21 തിയതികളില്‍ നോര്‍ത്ത് ചിത്താരിയില്‍ ആനക്കര കോയക്കുട്ടി ഉസ്താദ് നഗറില്‍ നടക്കും.
21ന് രാവിലെ പത്തിന് ചെയര്‍മാന്‍ സി മുഹമ്മദ് കുഞ്ഞി ഹാജി പതാക ഉയര്‍ത്തും. വൈകുന്നേരം നാലിനു പാണക്കാട് ഹൈദരലി ശിഹാബ് തങ്ങള്‍ ഇസ്‌ലാമിക് സെന്റര്‍ ഉദ്ഘാടനം നിര്‍വഹിക്കും.
എസ്.വൈ.എസ് സംസ്ഥാന വൈസ് പ്രസിഡന്റ് മെട്രോ മുഹമ്മദ് ഹാജി അധ്യക്ഷനാവും. ആലിക്കുട്ടി മുസ്‌ലിയാര്‍ക്ക് സ്വീകരണവും സമസ്ത പൊതുപരീക്ഷയില്‍ റാങ്ക് നേടിയ വിദ്യാര്‍ഥികള്‍ക്കുള്ള അനുമോദനവും ശംസുല്‍ ഉലമാ അവാര്‍ഡ് വാങ്ങിയ മെട്രോ മുഹമ്മദ് ഹാജിയെ ആദരിക്കലും ചടങ്ങില്‍ നടക്കും.
ബശീര്‍ ഫൈസി ദേശമംഗലം മുഖ്യ പ്രഭാഷണം നടത്തും. സയ്യിദ് നജ്മുദ്ദീന്‍ പൂക്കോയ തങ്ങള്‍ കൂട്ടുപ്രാര്‍ഥനയ്ക്കു നേതൃത്വം നല്‍കും. 21ന് വൈകുന്നേരം ഏഴിനു നടക്കുന്ന മത പ്രഭാഷണം മെട്രോ മുഹമ്മദ് ഹാജി ഉദ്ഘാടനം ചെയ്യും. സി മുഹമ്മദ് കുഞ്ഞി ഹാജി അധ്യക്ഷനായിരിക്കും. അശ്‌റഫ് റഹ്മാനി ചൗക്കി മുഖ്യ പ്രഭാഷണം നടത്തും.  
സയ്യിദ് സഫ്‌വാന്‍ തങ്ങള്‍ ഏഴിമല മജ്‌ലിസുന്നൂറിനു നേതൃത്വം നല്‍കും.