കല്‍പ്പറ്റ: ജില്ലാ അമേച്വര്‍ ബോക്‌സിങ് അസോസിയേഷന്റെ ആഭിമുഖ്യത്തില്‍ 28 മുതല്‍ അവധിക്കാല ബോക്‌സിങ് ക്യാംപ് നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 12 വയസ്സിന് മുകളില്‍ പ്രായമുള്ള ആണ്‍കുട്ടികള്‍ക്കും, പെണ്‍കുട്ടികള്‍ക്കും ക്യാംപില്‍ പങ്കെടുക്കാം. മാനന്തവാടി സ്‌പോര്‍ട്‌സ് ക്ലബില്‍ വച്ചാണ് പരിശീലനം നല്‍കുക. 28ന് രാവിലെ പത്തിന് സ്‌പോര്‍ട്‌സ് കൗണ്‍സില്‍ ജില്ലാപ്രസിഡന്റ് എം. മധു ഉദ്ഘാടനം ചെയ്യും. ക്യാംപില്‍ പങ്കെടുക്കാന്‍ താല്‍പര്യമുള്ളവര്‍ 9447682702, 9846029005, 9562761003 എന്നീ നമ്പറുകളില്‍ പേര് രജിസ്റ്റര്‍ ചെയ്യണം. ഈ വര്‍ഷം ഗോവയില്‍ നടക്കുന്ന ദേശീയ ഗെയിംസില്‍ വയനാട്ടില്‍ നിന്നുള്ള താരങ്ങളെ പങ്കെടുപ്പിക്കുകയെന്ന ലക്ഷ്യത്തോടെയാണ് ക്യാംപൊരുക്കുന്നത്. അവധിക്കാല ക്യാംപിന് ഇന്ത്യന്‍ ബോക്‌സിങ് അസോസിയേഷന്റെ വണ്‍ സ്റ്റാര്‍ കോച്ച് പ്രേംനാഥ് നേതൃത്വം നല്‍കും. രാജ്യാന്തര തലത്തില്‍ വരെ ഉപയോഗിക്കുന്ന റിങ്ങിലാണ് പരിശീലനം.