കല്‍പ്പറ്റ: സ്റ്റുഡന്‍സ് പൊലിസ് കേഡറ്റ്  ഏഴാമത്  ജില്ലാ സമ്മര്‍ ക്യാംപ്  ഈമാസം 24 മുതല്‍ 28 വരെ   പയ്യമ്പള്ളി സെന്റ് കാതറിന്‍സ് ഹയര്‍ സെക്കന്ററി സ്‌കൂളില്‍ നടക്കും. നാളെ രാവിലെ 11.00 ന് എസ്.പി.സി ജില്ലാ നോഡല്‍ ഓഫിസറും ഭരണ വിഭാഗം ഡി.വൈ.എസ്.പി.യുമായ  ടി.എന്‍ സജീവ് പതാക ഉയര്‍ത്തും. വൈകീട്ട്് ഏഴിന് ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ക്യാംപ് ഉദ്ഘാടനം ചെയ്യും. ജില്ലാ പൊലിസ് മേധാവി രാജ്പാല്‍ മീണ അധ്യക്ഷനാകും.  ജില്ലാ കലക്ടര്‍ ഡോ. ബി.എസ്.തിരുമേനി മുഖ്യ പ്രഭാഷണം നടത്തും. ജില്ലയിലെ 18 വിദ്യാലയങ്ങളില്‍ നിന്നും  700 കേഡറ്റുകള്‍  കലാ, കായിക, വ്യക്തിത്വ വികസന ക്ലാസ്സുകളുകളിലും മറ്റ് കലാ പരിപാടികളിലും പങ്കെടുക്കും. 27ന്  രാവിലെ  എട്ടിന്  പാസിങ് ഔട്ട് പരേഡില്‍ ജില്ലാ പൊലിസ് മേധാവി രാജ്പാല്‍ മീണ സല്യൂട്ട് സ്വീകരിക്കും.