ചൊക്ലി: കാസര്‍കോട് മുതല്‍ തിരുവനന്തപുരം വരെ ശിവാനന്ദാ ഇന്റര്‍നാഷണല്‍ സ്‌കൂള്‍ ഓഫ് യോഗയുടെ നേതൃത്വത്തില്‍ നടത്തുന്ന യോഗ പ്രചാരണ റോഡ് ഷോയ്ക്ക് കരിയാട് പള്ളിക്കുനിയില്‍ സ്വീകരണം നല്‍കി.
അതിജീവനത്തിന്റെ ആരോഗ്യ ശാസ്ത്രം എന്ന സന്ദേശ പ്രചരണത്തിനായാണ് വിവിധ കേന്ദ്രങ്ങളില്‍ റോഡ് ഷോ നടത്തുന്നത്. ജില്ലാതല സമാപനമാണ് പള്ളിക്കുനിയില്‍ സംഘടിപ്പിച്ചത്. ഇതിന്റെ ഭാഗമായി പാവനാടകം, പോസ്റ്റര്‍ പ്രദര്‍ശനം, ബോധവല്‍ക്കരണ ക്ലാസ് എന്നിവ ഉണ്ടായി. ശിവാനന്ദ യോഗ ട്രസ്റ്റ് അംഗം ബിച്ചിക്കോയ ഉദ്ഘാടനം ചെയ്തു. പാനൂര്‍ നഗരസഭാ കൗണ്‍സിലര്‍ ടി.എം ബാബുരാജ് അധ്യക്ഷനായി. വാസു, ഗോപി, കെ.അശോകന്‍, കെ.പി തിലകന്‍ സംസാരിച്ചു.