പയ്യോളി: വീട്ടുവരാന്തയില്‍ കളിച്ചുകൊണ്ടിരിക്കെ കാണാതായ പിഞ്ചുകുഞ്ഞിനെ തോട്ടില്‍ മരിച്ച നിലയില്‍ കണ്ടെത്തി. അയനിക്കാട് നര്‍ത്തന കലാലയത്തിന് സമീപം കമ്പിവളപ്പില്‍ പി.പി ഷംസീര്‍ - അഷറ ദമ്പതികളുടെ മകള്‍ ആമിന അജുവ (2) യെയാണ് മരിച്ചനിലയില്‍ കണ്ടെത്തിയത്. വ്യാഴാഴ്ച ഉച്ചയ്ക്ക് 12ഓടെയാണ് കുട്ടിയെ കാണാതായത്. 

അടുക്കളയില്‍ ജോലിചെയ്യുകയായിരുന്ന മാതാവ് മകളെ അന്വേഷിച്ചെത്തിയപ്പോഴാണ് കാണാനില്ലെന്ന വിവരം അറിയുന്നത്. കൊളാവിപ്പാലത്തിന് അടുത്തുള്ള തോട്ടിലാണ് മൃതദേഹം കണ്ടെത്തിയത്. സഹോദരി: സെല്‍ന മറിയം.