എടച്ചേരി: സ്‌ഫോടകവസ്തുക്കള്‍, മാരകായുധങ്ങള്‍ എന്നിവ സൂക്ഷിച്ചിട്ടുണ്ടെന്ന വിവരത്തിന്റെ അടിസ്ഥാനത്തില്‍ ഏറാമല പഞ്ചായത്തിലെ വിവിധ ഭാഗങ്ങളില്‍ പൊലിസ് നടത്തിയ റെയ്ഡില്‍ ഒന്നും കണ്ടെത്താനായില്ല.
ബോംബ് സ്‌ക്വാഡും പൊലിസ് നായയുമുള്‍പ്പെട്ട തരച്ചിലിനു എടച്ചേരി എസ്.ഐ യൂസഫ് നടുത്തറമ്മല്‍ നേതൃത്വം നല്‍കി. ഏറാമലയിലെ ആദിയൂര്‍, തുരുത്തി, കൈക്കണ്ടം ഭാഗങ്ങളിലാണ് റെയ്ഡ് നടത്തിയത്. കഴിഞ്ഞദിവസം രാവിലെ എട്ടിന് തുടങ്ങിയ തിരച്ചില്‍ രണ്ടു മണിക്കൂറോളം നീണ്ടുനിന്നു.   ഈ ഭാഗങ്ങളില്‍ സാമൂഹ്യദ്രോഹികളുടെ ശല്യം നേരത്തെ നിലനിന്നിരുന്നു. കൂടാതെ മേഖലയില്‍ നിന്ന് ഏതാനും ആഴ്ചകള്‍ക്ക് മുന്‍പ് കഞ്ചാവു ചെടികള്‍ പൊലിസ് പിടിച്ചെടുത്തിരുന്നു.