റിയാദ്: തീവ്രവാദത്തിനെതിരേ സഊദി-ഈജിപ്ത് ഉച്ചകോടി ഇന്ന് റിയാദില്‍ നടക്കും. ഈജിപ്ത് പ്രസിഡന്റ് അബ്ദുല്‍ ഫത്താഹ് സീസി നടത്തുന്ന സഊദി സന്ദര്‍ശനത്തില്‍ ഇരുരാജ്യങ്ങളും തമ്മിലുള്ള തന്ത്രപ്രധാനമായ വിഷയങ്ങള്‍ ചര്‍ച്ച ചെയ്യുമെന്ന് സര്‍ക്കാര്‍വൃത്തങ്ങള്‍ അറിയിച്ചു.

സഊദി ഭരണാധികാരി സല്‍മാന്‍ രാജാവുമായിട്ടാണ് പ്രധാന ചര്‍ച്ചകള്‍ നടക്കുക. മേഖലയുമായി ബന്ധപ്പെട്ട രാഷ്ട്രീയ ഇടപെടലുകള്‍ ഇരുനേതാക്കളും ചര്‍ച്ച ചെയ്യും. ജോര്‍ദാനില്‍ കഴിഞ്ഞ മാസം നടന്ന അറബ് ഉച്ചകോടിയില്‍ സല്‍മാന്‍ രാജാവ് ഈജിപ്തിനെ രാജ്യത്തേക്ക് പ്രത്യേകം ക്ഷണിച്ചിരുന്നു.