പേരാമ്പ്ര: രണ്ടുദിവസമായി നടന്നുവരുന്ന ചെറുവണ്ണൂര്‍ പഞ്ചായത്ത് അങ്കണവാടി കലോത്സവം 'കുരുന്നുകൂട്ടം 2017' സമാപിച്ചു. ആവള മാനവ സ്റ്റേഡിയത്തില്‍ വച്ച് കലാമത്സരങ്ങളും ചെറുവണ്ണൂരില്‍ വച്ച്  ചിത്രരചനാ പെയിന്റിങ് മത്സരങ്ങളും നടന്നു.
മത്സരത്തില്‍ എടക്കയില്‍ അങ്കണവാടി ഒന്നാം സ്ഥാനവും വിവേഴ്‌സ് സൊസൈറ്റി അങ്കണവാടി രണ്ടാം സ്ഥാനവും നേടി. സമാപന സമ്മേളനം പഞ്ചായത്ത് പ്രസിഡന്റ് കെ.പി ബിജു ഉദ്ഘാടനം ചെയ്തു. വൈസ് പ്രസിഡന്റ് നഫീസ കൊയിലോത്ത്, വികസന സ്റ്റാന്റിങ് കമ്മിറ്റി ചെയര്‍മാന്‍ ബി.ബി ബിനീഷ്, ക്ഷേമകാര്യ സമിതി ചെയര്‍പേഴ്‌സണ്‍ വി.കെ മോളി, ലതിക കട്ടയാട്ട്, ശോഭ കെ.എം, ഐ.സി.ഡി.എസ് സൂപ്പര്‍വൈസര്‍ രജനി സംസാരിച്ചു. വ്യക്തിഗതയിനത്തില്‍ ശിവാനി എടക്കയില്‍ കൂടുതല്‍ പോയിന്റ് നേടി.