തിരുവനന്തപുരം: റീബില്‍ഡ് കേരള ഇനിഷ്യേറ്റീവിന്റെ കൃഷിവകുപ്പിലെ പ്രത്യേക സെല്ലില്‍ നിയമിക്കുന്ന വിരമിച്ച ഉദ്യോഗസ്ഥന് ലഭിക്കുക 60,000 രൂപ ശമ്പളം. 

കൃഷി വകുപ്പില്‍നിന്ന് വിരമിച്ച ഉദ്യോഗസ്ഥനെയാണ് കരാര്‍ അടിസ്ഥാനത്തില്‍ ഈ സ്ഥാനത്തേക്ക് നിയമിക്കേണ്ടതെന്ന വ്യവസ്ഥയുള്ളതിനാല്‍ പെന്‍ഷന്‍ ഉള്‍പ്പെടെയുള്ള ആനുകൂല്യങ്ങള്‍ വാങ്ങാനാകും. കൃഷിവകുപ്പിലെ ജോയിന്റ് ഡയരക്ടര്‍  അല്ലെങ്കില്‍ ഡെപ്യൂട്ടി ഡയരക്ടര്‍ സ്ഥാനത്തുനിന്നു വിരമിച്ച ഉദ്യോഗസ്ഥരെയാണ് സെല്ലിന്റെ തലപ്പത്ത് നിയമിക്കേണ്ടതെന്നാണ് തീരുമാനം. ഇതില്‍ ഒരാള്‍ക്ക് 60,000 രൂപ ശമ്പളവും 6,000 രൂപ ടി.എയും ലഭിക്കും. രണ്ടാമത്തെയാള്‍ക്ക് 50,000 രൂപ ശമ്പളവം 6,000 രൂപ ടി.എയെയുമാണ് ലഭിക്കുക. വകുപ്പുതലത്തില്‍ നിലനിര്‍ത്തി ജോലി നീട്ടിനല്‍കാതെ കരാര്‍ നിയമനമായതിനാല്‍ ഇവര്‍ക്ക് കിഫ്ബി സി.ഇ.ഒ കെ.എം എബ്രഹാമിന് ലഭിക്കുന്നതുപോലെ ശമ്പളത്തോടൊപ്പം പെന്‍ഷനും വാങ്ങാനാകും.