കാസര്‍കോട്: പി.എന്‍ പണിക്കര്‍ ഫൗണ്ടേഷന്‍ വായനാമാസാചരണത്തിന്റെ ഭാഗമായി ഹൈസ്‌കൂള്‍ വിദ്യാര്‍ഥികള്‍ക്കായി കാഞ്ഞങ്ങാട്ട് നടത്തിയ ക്വിസ് മത്സരത്തില്‍ ഒന്നാംസ്ഥാനം രണ്ടുപേര്‍ക്ക് ലഭിച്ചു. കയ്യൂര്‍ ജി.വി.എച്ച്.എസ്.എസിലെ ബി. അബിന അര്‍ജുന്‍, കാസര്‍കോട് വിദ്യാനഗര്‍ കേന്ദ്രീയ വിദ്യാലയത്തിലെ അനശ്വര വിശാല്‍ എന്നിവരാണ് ഒന്നാം സമ്മാനം നേടിയത്. സമ്മാനദാനം ഡി.ഇ.ഒ കെ.വി പുഷ്പ നിര്‍വഹിച്ചു. എ.ഇ.ഒ പി.വി ജയരാജ് അധ്യക്ഷനായി. കെ.വി രാഘവന്‍ മാസ്റ്റര്‍, കാവുങ്കല്‍ നാരായണന്‍, ഡയറ്റ് അധ്യാപകന്‍ കെ. രാമചന്ദ്രന്‍ നായര്‍ എന്നിവര്‍ സംസാരിച്ചു. മത്സരം കെ. രാമചന്ദ്രന്‍ നായര്‍ നിയന്ത്രിച്ചു.