വടക്കാഞ്ചേരി: കര്‍ക്കിടകത്തെ വരവേല്‍ക്കാന്‍ നാടൊരുങ്ങി. പുരയിടവും, പരിസരവും, നാടും വൃത്തിയാക്കി ചേട്ടയെ ആട്ടി പുറത്താക്കി. ശീ പോതി വെച്ച് മനസിനേയും, എല്ലാ വിധ ദാരിദ്ര്യത്തേയും മനസില്‍ നിന്ന് പുറത്താക്കി ഐശ്വര്യത്തിന്റെ ധാന്യക്കതിര്‍ കൊണ്ട് മനുഷ്യ മനസുകളും, ഹൈന്ദവ ഭവനങ്ങളും പത്തായങ്ങളുമൊക്കെ നിറയുന്ന ഇല്ലം നിറയുടെ മാസം കൂടിയാണ് വന്നെത്തുന്നത്.
കൈരളിയുടെ വരദാനമായ തുഞ്ചത്താചാര്യന്റെ പൈങ്കിളി ഭക്തജന മനസുകളെ ആനന്ദ നിര്‍വൃതിയിലാഴ്ത്തും. വടക്കാഞ്ചേരി മേഖലയില്‍ രാമായണ മാസാചരണത്തോടനുബന്ധിച്ച് വിപുലമായ ഒരുക്കങ്ങളാണ് പൂര്‍ത്തീകരിച്ചിട്ടുള്ളത്. അകമല ധര്‍മ്മശാസ്താ ക്ഷേത്രത്തില്‍ രാമായണ മാസാചരണത്തിന്റെ ഉദ്ഘാടനം നാളെ രാവിലെ 9ന് നടക്കും മഹാകവി വള്ളത്തോള്‍ നാരായണ മേനോന്റെ പുത്രിയും കേരള കലാമണ്ഡലം നിര്‍വാഹക സമിതി അംഗവുമായ വാസന്തി മേനോന്‍ ഉദ്ഘാടനം ചെയ്യും.