കണ്ണൂര്‍: ദേശീയ ആരോഗ്യ ദൗത്യം പദ്ധതിയുടെ ജീവിത ശൈലീ രോഗ നിയന്ത്രണ പരിപാടിയുടെ ഭാഗമായി എന്‍.എച്ച്.എം ജീവനക്കാര്‍ക്കായി നടത്തിയ സംസ്ഥാനതല ഫുട്ബാള്‍ ടൂര്‍ണമെന്റില്‍ മലപ്പുറം ജില്ല ജേതാക്കളായി. കാസര്‍കോടിനെ ഒന്നിനെതിരേ രണ്ടു ഗോളുകള്‍ക്കാണു മലപ്പുറം പരാജയപ്പെടുത്തിയത്. കോഴിക്കോടിന്റെ ആഷിക് ആണ് ടൂര്‍ണമെന്റിലെ ടോപ്പ് സ്‌കോറര്‍. കാസര്‍കോടിന്റെ ഉദൈഫ് മികച്ച ഗോള്‍ കീപ്പറായി തെരഞ്ഞെടുക്കപ്പെട്ടു. കണ്ണൂരിനാണു ഫെയര്‍ പ്ലേ അവാര്‍ഡ്. ജില്ലാ പഞ്ചായത്ത് ആരോഗ്യവിദ്യാഭ്യാസ സ്ഥിരംസമിതി ചെയര്‍മാന്‍ കെ.പി ജയബാലന്‍ ട്രോഫി സമ്മാനിച്ചു. ഡോ. കെ.വി ലതീഷ്, നിതിന്‍ സംസാരിച്ചു.