റിയാദ്: തീവ്രവാദത്തിനെതിരേ ലോകം ഒന്നടങ്കം അടിയന്തര യുദ്ധം ചെയ്യണമെന്ന് സഊദി അറേബ്യ ആവശ്യപ്പെട്ടു. യു.എന്‍ സെക്രട്ടറി അസംബ്ലിയില്‍ യു.എന്നിലെ സഊദി അംബാസിഡര്‍ അബ്ദുല്ലാഹ് അല്‍ മുഅല്ലിമിയാണ് തീവ്രവാദത്തിനെതിരേ രാഷ്ട്രങ്ങളുടെ ഐക്യം ഉണ്ടാകണമെന്നും സന്ധിയില്ലാ സമരം ചെയ്യണമെന്നും അഭിപ്രായപ്പെട്ടത്. തീവ്രവാദ ആശയങ്ങള്‍ക്കെതിരെയുള്ള പ്രവര്‍ത്തനം ശക്തമാക്കി തീവ്രവാദ ആശയങ്ങളെ ചെറുക്കുകയും തീവ്രവാദ അക്രമങ്ങളെ നേരിടാനുള്ള പദ്ധതികളുമാണ് ലോകം കൈക്കൊള്ളേണ്ടത്. ലോകം നേരിടുന്ന ഏറ്റവും വലിയ വെല്ലു വിളികളാണിതെന്നും അദ്ദേഹം പറഞ്ഞു. ന്യൂസിലന്‍ഡില്‍ നിരപരാധികളെ കൊന്നൊടുക്കിയ നീച പ്രവര്‍ത്തനത്തില്‍ അദ്ദേഹം ദുഃഖം രേഖപ്പെടുത്തി.