പെരുമ്പാവൂര്‍: കുതിരപ്പറമ്പ് ചാലുംകര യൂത്ത് വിങ്ങിന്റെയും ആലുവ ഹിദ്ഹ്മത്തുല്‍ ഹുജ്ജാജിന്റെയും സംയുക്താഭിമുഘ്യത്തില്‍ മഞ്ഞപ്പെട്ടി കുതിരപ്പറമ്പ് നൂറുല്‍ ഹുദാ മദ്‌റസാ ഓഡിറ്റോറിയത്തില്‍ സംഘടിപ്പിച്ച ഹജ്ജ് പഠന ക്ലാസ് സാംസ്‌കാരിക മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ജില്ലാ പഞ്ചായത്ത് വൈസ്പ്രസിഡന്റ് അഡ്വ. അബ്ദുള്‍ മുത്തലിബ് ചടങ്ങില്‍ മുഖ്യാഥിതിയായിരുന്നു.
കുതിരപ്പറമ്പ് ചീഫ് ഇമാം ഉസ്താദ് അബ്ദുല്‍ റഹ്മാന്‍ അഹ്‌സനി ഇടുക്കി ആമുഖ പ്രഭാഷണം നടത്തി. ഉസ്താദ് അബ്ദുള്‍ ജബ്ബാര്‍ അല്‍ കാമിലി ക്ലാസിനു നേതൃത്വം നല്‍കി. നിരവധി രാഷ്ട്രീയ,സാംസ്‌കാരിക, സമുദായിക പ്രവര്‍ത്തകര്‍ ചടങ്ങില്‍ ആശംസകള്‍ അര്‍പ്പിച്ചു സംസാരിച്ചു.