പാലക്കാട്: അട്ടപ്പാടിയില്‍ മറ്റൊരു ആനകൂടി ചെരിഞ്ഞു. അവശനിലയില്‍ കണ്ടെത്തിയ കുട്ടിക്കൊമ്പനാണ് ചരിഞ്ഞത്. സംഭവത്തില്‍ വനംവകുപ്പ് അന്വേഷണം ആരംഭിച്ചു.
ഗുരുതര പരുക്കേറ്റ് ഷോളയൂര്‍ പഞ്ചായത്തിലെ കോട്ടത്തറയ്ക്കടുത്താണ് കഴിഞ്ഞ ദിവസം കുട്ടിക്കൊമ്പനെ വനം വകുപ്പധികൃതര്‍ കണ്ടെത്തിയത്. എന്നാല്‍ ആന അരികിലേക്കടുപ്പിക്കാത്തതിനാല്‍ ചികിത്സ നല്‍കാനും വൈകി.

വായില്‍ പരുക്കേറ്റതിനാല്‍ ദിവസങ്ങളായി ഭക്ഷണം കഴിക്കാന്‍ കഴിഞ്ഞിരുന്നില്ല. വായ പുഴുവരിച്ച നിലയിലായിരുന്നു. ഏകദേശം അഞ്ച് വയസു തോന്നിക്കുന്ന കുട്ടിക്കൊമ്പന് എങ്ങനെയാണ് പരുക്കേറ്റത് എന്നതിനെക്കുറിച്ചാണ് അന്വേഷണം ആരംഭിച്ചിരിക്കുന്നത്.