കുമ്പള: ബദ്‌രിയാ നഗര്‍ ഇമാം ശാഫീ അക്കാദമി ജല്‍സയോടനുബന്ധിച്ച് നടത്തപ്പെട്ട സ്ഥാപന ബന്ധുക്കളുടെ ഇത്തിസാല്‍ കുടുംബ സംഗമം സംഘടിപ്പിച്ചു. കേരളത്തിനകത്തും പുറത്തും നിന്നായി ഇവിടെ പഠനം നടത്തുന്ന മുന്നൂറോളം വരുന്ന വിദ്യാര്‍ഥികള്‍, അധ്യാപകര്‍,  കമ്മിറ്റി ഭാരവാഹികള്‍ എന്നിവരുടെ കുടുംബങ്ങള്‍, നാട്ടുകാര്‍ തുടങ്ങിയവര്‍ ഒത്തുകൂടിയ സംഗമത്തിന്റെ ഉദ്ഘാടനം സയ്യിദ് ശമീം തങ്ങള്‍ കുമ്പോല്‍ നിര്‍വഹിച്ചു.
ചെയര്‍മാന്‍ എം.എ ഖാസിം മുസ്‌ലിയാര്‍ അധ്യക്ഷനായി. ആനമങ്ങാട് ഫൈസി, ബാലചന്ദ്ര, ശമീര്‍ വാഫി എന്നിവര്‍ യഥാക്രമം സംതൃപ്ത കുടുംബം, നല്ല ആരോഗ്യം, ഹാപ്പി പാരന്റിങ് എന്നീ വിഷയങ്ങളില്‍ ക്ലാസെടുത്തു. മന്ത്രി യു.ടി ഖാദര്‍, ഹര്‍ഷാദ് മഞ്ചേശ്വരം, ബി.കെ അബ്ദുല്‍ ഖാദിര്‍ അല്‍-ഖാസിമി, കെ.എല്‍ അബ്ദുല്‍ ഖാദിര്‍ അല്‍-ഖാസിമി, അറബി ഹാജി, മൂസ ഹാജി കോഹിനൂര്‍, അബ്ദുറഹ്മാന്‍ ഹൈതമി, സലാംഫൈസി, ബാലകൃഷ്ണന്‍,സാലൂദ് നിസാമി, സുബൈര്‍ നിസാമി, മൂസ നിസാമി, ഹാഫിസ് വാഫി, ശംസു വാഫി, അഫ്‌സല്‍ ഹുദവി, ബദ് റുല്‍ മുനീര്‍ അശ്ശാഫീ, ഖാസിം അശ്ശാഫീ, നിസാര്‍ അശ്ശാഫീ ,സലാം വാഫീ, ഖാസിമുശ്ശാഫി സംബന്ധിച്ചു.