ആലപ്പുഴ:മോദിയുടെ ഭരണം സമ്പൂര്‍ണപരാജയമാണെന്ന് ബി.ജെ.പി തന്നെ സമ്മതിച്ചതായി എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ എം.പി പറഞ്ഞു.ആലപ്പുഴ സൗത്ത് ബ്ലോക്ക് കോണ്‍ഗ്രസ്സ് കമ്മിറ്റിയുടെ ആഭിമുഖ്യത്തില്‍ റൈബാന്‍ മിനി ആഡിറ്റോറിയത്തില്‍ നടന്ന പ്രവര്‍ത്തക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഡ.സി.സി പ്രസിഡന്റ് എം ലിജു അധ്യക്ഷതവഹിച്ചു. കോണ്‍ഗ്രസ്സിന്റെ നേതൃത്വത്തിലുള്ള മുന്നണിയാകും അടുത്തതെരഞ്ഞെടുപ്പില്‍ വിജയിക്കുക. കോണ്‍ഗ്രസ്സിനെ എതിര്‍ക്കന്‍ ബി ജെ പി അനുകൂല നിലപാടെടുക്കുന്ന പാര്‍ട്ടിയാണ് കേരളത്തിലെ സി പിഎം. ബി ജെ പി ക്കെതിരെ കോണ്‍ഗ്രസ്സുമായി സഹകരിക്കണമെന്ന നിലപാടെടുത്തിന്റെ പേരില്‍ സീതാറാം യെച്ചൂരിയെ മാറ്റാന്‍ ശ്രമിച്ചതാണ് കേരളത്തിലെ സി പി എം. സി പി എം കേരളത്തില്‍ മാത്രമായി ചുരുങ്ങിയ പാര്‍ട്ടിയായി .
കേരളത്തിലെ സി പി എമ്മിന് ബി ജെ പി യെ പോലെ കോണ്‍ഗ്രസ്സിനെ ഇല്ലാതാക്കുകയാണ് ലക്ഷ്യം.ബ്ലോക്ക് കോണ്‍ഗ്രസ്സ് കമ്മറ്റി പ്രസിഡന്റ് ഇല്ലിക്കല്‍ കുഞ്ഞുമോന്‍, മുന്‍ ഡി സി സി പ്രസിഡന്റ് എ എ ഷുക്കൂര്‍ എക്‌സ് എം എല്‍ എ,ഡി സി സി സെക്രട്ടറിമാരായ ജി സഞ്ജീവ്ഭട്ട്, പി ബി വിശ്വേശ്വരപണിക്കര്‍,മുനിസിപ്പല്‍ ചെയര്‍മാന്‍ തോമസ്സ് ജോസഫ്, കെ പി സി സി വിചാര്‍ വിഭാഗ് സംസ്ഥാന ചെയര്‍മാന്‍ ഡോ:നെടുമുടി ഹരികുമാര്‍, തുടങ്ങിയ നേതാക്കള്‍ സംബന്ധിച്ചു.