തിരൂര്‍: ഫാമിലി വെഡ്ഡിങ് സെന്ററിന്റെ അഞ്ചാമത് ഷോറൂം തിരൂരില്‍ പാണക്കാട് സയ്യിദ് മുനവ്വറലി ശിഹാബ് തങ്ങളും മലയാളം സര്‍വകലാശാല വൈസ് ചാന്‍സിലര്‍ ഡോ. അനില്‍ വള്ളത്തോളും ചേര്‍ന്ന് ഉദ്ഘാടനം ചെയ്തു. ജെന്റ്‌സ് സെക്ഷന്‍ 'ക്ലാന്‍ മറൈന്‍' പ്രശസ്ത മോഡല്‍ തസ്‌വീര്‍ മുഹമ്മദും ഉദ്ഘാടനം നിര്‍വഹിച്ചു. 'ഫാമിലി വൈബ്‌സ്' മാഗസിന്‍ ഐ.കെ ഗ്രൂപ്പ് ചെയര്‍മാന്‍ കല്ലില്‍ ഇമ്പിച്ചി അഹമ്മദും പി.എന്‍ അബ്ദുല്‍ ഖാദറും ചേര്‍ന്ന് പ്രകാശനം ചെയ്തു.

30,000 ചതുരശ്ര അടി വിസ്തൃതിയില്‍ നാല് നിലകളിലായാണ് ഷോറൂം ഒരുക്കിയിരിക്കുന്നത്. ഉദ്ഘാടന ചടങ്ങില്‍ ചടങ്ങില്‍ ഡയറക്ടര്‍മാരായ അബ്ദുല്‍ ബാരി, അബ്ദുല്‍ സലാം, മുജീബ് റഹ്മാന്‍, തിരൂര്‍ മുന്‍സിപ്പല്‍ ചെയര്‍മാന്‍ കെ ബാവ ഹാജി, പ്രതിപക്ഷ നേതാവ് കെ.പി ഹുസൈന്‍, കൗണ്‍സിലര്‍ നാജിറ അശ്‌റഫ്, തിരൂര്‍ ചേംബര്‍ ഓഫ് കൊമേഴ്‌സ് പ്രസിഡന്റ് ബാവ, സെക്രട്ടറി പി.പി അബ്ദുറഹ്മാന്‍, ഗഫൂര്‍ പി ലില്ലീസ് ,ജനറല്‍ മാനേജര്‍ എം.കെ.ബി മുഹമ്മദ് സംബന്ധിച്ചു. തുടര്‍ന്ന് കല്ലുവും മാത്തുവും സംഘടിപ്പിച്ച പ്രത്യേക പരിപാടിയിലെ രണ്ട് വിജയികള്‍ക്ക് ഓരോ സ്‌കൂട്ടര്‍ വീതവും ഫേസ്ബുക്കില്‍ സംഘടിപ്പിച്ച മൈ ഫാമിലി കോണ്ടസ്റ്റിലെ വിജയിക്ക് ഒരു സ്‌കൂട്ടറും, ക്യൂട്ട് കുട്ടീസ് വിജയികള്‍ക്കുള്ള പ്രത്യേക സമ്മാനവും നല്‍കി.

ഉദ്ഘാടന ദിവസം മുതല്‍ ജൂണ്‍ 30 വരെ പര്‍ച്ചേയ്‌സ് ചെയ്യുന്നവരില്‍ നിന്ന് നറുക്കെടുപ്പിലൂടെ തെരഞ്ഞെടുക്കുന്ന മൂന്ന് പേര്‍ക്ക് ആക്ടിവ സ്‌കൂട്ടര്‍ സമ്മാനമായി നല്‍കുമെന്നും മാനേജ്‌മെന്റ് അറിയിച്ചു.