തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ 60-ാം വാര്‍ഷിക സമ്മേളനത്തോടനുബന്ധിച്ച് 'വിശ്വശാന്തിക്ക് മതവിദ്യ' എന്ന വിഷയത്തില്‍ നടത്തിയ തിസീസ് മത്സരത്തില്‍ താനൂര്‍ ഇസ്‌ലാഹുല്‍ ഉലൂം അറബിക് കോളജ് വിദ്യാര്‍ഥി ജാബിര്‍ ഇ. പള്ളിക്കല്‍ ഒന്നാം സ്ഥാനം നേടി. തൂത ദാറുല്‍ ഉലൂം ഇസ്‌ലാമിക് ആന്‍ഡ് ആര്‍ട്‌സ് കോളജിലെ സിറാജുദ്ദീന്‍ വി കാഞ്ഞിരപ്പുഴ രണ്ടാം സ്ഥാനവും തൃശൂര്‍ ചാമക്കാല നഹ്ജുറശാദ് ഇസ്‌ലാമിക് കോളജിലെ മുഹമ്മദ് റാഫി മൂവാറ്റുപുഴ മൂന്നാം സ്ഥാനവും നേടി.
വിജയികള്‍ക്ക് അടുത്ത ജൂലൈയില്‍ നടക്കുന്ന സംസ്ഥാന സാരഥി സംഗമത്തില്‍ വച്ച് അനുമോദന പത്രവും യഥാക്രമം 25,000 രൂപ, 15,000 രൂപ, 10,000 രൂപ എന്നിങ്ങനെ സമ്മാനവും നല്‍കുമെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ പ്രസിഡന്റ് സി.കെ.എം സ്വാദിഖ് മുസ്‌ലിയാരും സെക്രട്ടറി ബഹാഉദ്ദീന്‍ മുഹമ്മദ് നദ്‌വിയും അറിയിച്ചു.