ബ്രിസ്‌ബേന്‍: ഓസ്‌ട്രേലിയയിലെ ഈസ്റ്റ് കോസ്റ്റില്‍ ഡൈവിങ്ങിനിടെ സ്രാവിന്റെ കടിയേറ്റയാള്‍ മരിച്ചു. ജനപ്രിയ സഞ്ചാര കേന്ദ്രമായ ഫ്രേസര്‍ ഐലന്റിലാണ് സംഭവം.

ഒരു 36 കാരന്റെ കാലിനാണ് സ്രാവിന്റെ കടിയേറ്റത്. തീരത്ത് ഇയാളെ ഡോക്ടര്‍മാര്‍ പരിചരിച്ചെങ്കിലും ഉടന്‍ തന്നെ മരണത്തിന് കീഴടങ്ങുകയായിരുന്നു.

ഏതിനത്തിലുള്ള സ്രാവിന്റെ കടിയാണ് ഏറ്റതെന്ന് കണ്ടെത്താനായിട്ടില്ല. ഓസ്‌ട്രേലിയയില്‍ ഇത്തരത്തിലുള്ള നാലാമത്തെ സംഭവമാണിത്.

സ്രാവുകളെ ആകര്‍ഷിക്കുന്ന കുടിയേറ്റ മത്സ്യങ്ങളുടെ സുപ്രധാന മേഖലയാണ് ഫ്രേസര്‍ ഐലന്റെന്ന് വിദഗ്ധര്‍ പറഞ്ഞു.