പട്ടാമ്പി: താലൂക്കില്‍ ലീഗല്‍ മെട്രോളോജി ഇന്‍സ്‌പെ്ക്ടര്‍ ഓഫീസ് അനുവദിച്ചതായി മുഹമ്മദ് മുഹസിന്‍ എം.എല്‍.എ. അറിയിച്ചു.
പട്ടാമ്പിയിലെ ഓട്ടോ-ടാക്‌സി തൊഴിലാളികളുടെയും വ്യാപാരികളുടെയും നിരന്തരമായ ആവശ്യത്തെ തുടര്‍ന്ന് വിഷയം സിവില്‍ സപ്ലൈസ് മന്ത്രി തിലോത്തമന്റെ ശ്രദ്ധയില്‍ പെടുത്തിയിരുന്നു. ഇതിനെ തുടര്‍ന്നാണ് ഓഫീസ് അനുവദിച്ചതെന്ന് മുഹ്‌സിന്‍ പറഞ്ഞു. നിലവില്‍ മാസത്തില്‍ രണ്ടു തവണ മാത്രമേ ഒരു ഇന്‍സ്‌പെക്ടറുടെ സേവനം പട്ടാമ്പിയിലെ ജനങ്ങള്‍ക്ക് ലഭിക്കുന്നുള്ളൂ.
ഈ ഓഫീസ് പ്രവര്‍ത്തനം ആരംഭിക്കുന്നതോടെ ഒരു മുഴുവന്‍ ഇന്‍സ്‌പെക്ടറുടെ സേവനം ലഭ്യമാക്കാന്‍ സാധിക്കും. ഓട്ടോ-ടാക്‌സി തൊഴിലാളികളും വ്യാപാരികളും മീറ്റര്‍ സീലിങ്ങിനും, അളവ് തൂക്ക സീലിങ്ങിനുമായി ഒറ്റപ്പാലം ലീഗല്‍ ഓഫീസിനെയാണ് ആശ്രയിച്ചിരുന്നത്.
സാമ്പത്തിക നഷ്ടത്തോടൊപ്പം സമയ നഷ്ടത്തിനും അത് ഇടയാക്കിയിരുന്നു. അനുയോജ്യമായ കെട്ടിട സൗകര്യങ്ങള്‍ ലഭിക്കുന്നതിനുസരിച്ച് ഓഫീസ് പ്രവര്‍ത്തനം ആരംഭിക്കുവാന്‍ സാധിക്കുമെന്ന് എം.എല്‍.എ മുഹമ്മദ് മുഹസിന്‍ അറിയിച്ചു.