ഫറോക്ക്: ബ്രൗണ്‍ഷുഗറുമായി യുവാവ് എക്‌സൈസിന്റെ പിടിയിലായി. പെരുവയല്‍ കായലം പുതുക്കുടിപറമ്പ് അമ്പലത്ത് വീട്ടില്‍ മുഹമ്മദ് ബഷീര്‍ (19) ആണ് പിടിയിലായത്.
ഇയാളില്‍നിന്നു 100 പൊതി ബ്രൗണ്‍ഷുഗര്‍ എക്‌സൈസ് സംഘം പിടിച്ചെടുത്തു. പന്തീരാങ്കാവ്, പെരുമണ്ണ, പാറമ്മല്‍ തുടങ്ങിയ സ്ഥലങ്ങളില്‍ വില്‍പനക്കായി കൊണ്ടുവന്നതാണ്.
തെരഞ്ഞെടുപ്പ്, വിഷു എന്നിവയുടെ മുന്നോടിയായി എക്‌സൈസ് എന്‍ഫോഴ്‌സ്‌മെന്റ് നടത്തിയ റെയ്ഡിലാണ് പ്രതിയെ പിടികൂടിയത്. നഗരങ്ങളില്‍നിന്നു മയക്കുമരുന്ന് മാഫിയ ഗ്രാമങ്ങളെ ലക്ഷ്യമാക്കി വില്‍പന വ്യാപകമാക്കിയിട്ടുണ്ട്. ഇതിനെ തുടര്‍ന്നു എക്‌സൈസ് എന്‍ഫോഴ്‌സ്‌മെന്റ് പരിശോധന ഗ്രാമങ്ങള്‍ കേന്ദ്രീകരിച്ച് ശക്തമാക്കിയിരിക്കുകയാണ്.