ന്യൂഡല്‍ഹി: രാജ്യതലസ്ഥാനമായ ഡല്‍ഹിയില്‍ പോത്തിനെ കടത്തിയതിന് മൂന്നു യുവാക്കള്‍ക്ക് മൃഗസംരക്ഷകരുടെ മര്‍ദ്ദനം. കഴിഞ്ഞ ദിവസം രാത്രി ദക്ഷിണ ഡല്‍ഹിയിലെ കല്‍ക്കജിയിലാണ് സംഭവം. ആക്രമണത്തില്‍ റിസ്‌വാന്‍ (25), അഷു(28), കമില്‍ (25) എന്നിവര്‍ക്കാണ് പരുക്കേറ്റത്. ഇവരെ എയിംസില്‍ പ്രവേശിപ്പിച്ചിരിക്കുകയാണ്. ആക്രമണത്തില്‍ ഇവരുടെ ചുണ്ടിനും മുഖത്തും തോളിനും പരുക്കേറ്റതായി ആശുപത്രി അധികൃതര്‍ അറിയിച്ചു.

 മാടുകളെ ഗുഡ്ഗാവില്‍ നിന്നും ഗജിപൂര്‍ മാണ്ഡിയിലേക്ക് കൊണ്ടുപോവുകയായിരുന്നു. ലോറിയില്‍ മാടുകളെ കൊണ്ടുപോകുന്നതിനെ മൃഗസംരക്ഷര്‍ ചോദ്യം ചെയ്തു. തുടര്‍ന്നായിരുന്നു ആക്രമണമെന്ന് അധികൃതര്‍ അറിയിച്ചു. പൊലിസ് യുവാക്കള്‍ക്കെതിരേ കേസെടുത്തു. മാടുകളെ ലോറിയില്‍ കുത്തിനിറച്ച് കൊണ്ടുപോയതിനാണ് കേസ്. എന്നാല്‍, ഇവരെ അക്രമിച്ചവര്‍ക്കെതിരേ കേസെടുത്തിട്ടില്ല. കാരണം, യുവാക്കള്‍ക്ക് പരാതിയില്ലാത്തതിനാലാണ് അക്രമികള്‍ക്കെതിരേ കേസെടുക്കാത്തതെന്ന് പൊലിസ് പറഞ്ഞു.

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

Also Read: കശ്മിരില്‍ അഞ്ചംഗ കുടുംബത്തിന് ഗോ സംരക്ഷകരുടെ ക്രൂരമര്‍ദ്ദനം

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

കഴിഞ്ഞദിവസം ജമ്മുകശ്മീരിലെ രേസി ജില്ലയിലും കുടുംബത്തെ പേരെ ഗോ സംരക്ഷകര്‍ ആക്രമിച്ചിരുന്നു. ഒമ്പത് വയസുള്ള പെണ്‍കുട്ടിയടക്കം അഞ്ചു പേര്‍ക്കും സംഭവത്തില്‍ പരുക്കേറ്റിരുന്നു. തല്‍വാര മേഖലയിലൂടെ നാടോടി കുടുംബം കന്നുകാലികളുമായി സഞ്ചരിക്കുമ്പോഴാണ് ആക്രമണമുണ്ടായത്. ഇവരെ തടഞ്ഞുനിര്‍ത്തിയശേഷം ഇരുമ്പു ദണ്ഡുപയോഗിച്ച് മര്‍ദ്ദിക്കുകയായിരുന്നു.