വടകര: ഇന്ത്യയില്‍ മതേതര സര്‍ക്കാരുണ്ടാക്കാന്‍ തീവ്രയത്‌നം നടത്തുന്ന രാഹുലിനെ എതിര്‍ക്കുന്നതില്‍ മോദിക്കും പിണറായിക്കും ഒരേ സ്വരമാണെന്ന് കെ.പി.സി.സി ജനറല്‍ സെക്രട്ടറി പത്മജ വേണുഗോപാല്‍ പറഞ്ഞു. അരൂര്‍ കല്ലുംപുറത്ത് യു.ഡി.എഫ് കുടുംബ സംഗമം ഉദ്ഘാടനം ചെയ്യുകയായിരുന്നു അവര്‍.
കെ. മുഹമ്മദ് സാലി അധ്യക്ഷനായി. സ്ഥാനാര്‍ഥി കെ. മുരളീധരന്‍, സി.കെ സുബൈര്‍, അമ്മാരപ്പള്ളി കുഞ്ഞിശങ്കരന്‍, എ. ആമിന, പ്രമോദ് കക്കട്ടില്‍ , ഐ. മൂസ, കെ.ടി അബ്ദുറഹ്മാന്‍, കെ. സജീവന്‍, പി. അജിത്ത്, വി.പി കുഞ്ഞമ്മദ്, എം.കെ ഭാസ്‌കരന്‍, സി.കെ ഇബ്രാഹിം, ഇ.കെ അഹമ്മദ്, എ.ടി ദാസന്‍, അമ്മദ് മുസലിയാര്‍ സംസാരിച്ചു.