താമരശ്ശേരി: താമരശ്ശേരിയില്‍ സി.പി.എം-ബി.ജെ.പി പ്രവര്‍ത്തകര്‍ തമ്മില്‍ നടന്ന സംഘര്‍ഷത്തില്‍ ആറുപേര്‍ക്ക് പരുക്ക്.
സി.പി.എം പ്രവര്‍ത്തകരായ മാട്ടുവായി എം.കെ ദാമോദരന്‍, അശ്വിന്‍, രാധാകൃഷ്ണന്‍, ബൈജു, അക്ഷയ്, ഷമീന എന്നിവരെ പരുക്കുകളോടെ താമരശ്ശേരി താലൂക്കാശുപത്രിയിലും ബി.ജെ.പി പ്രവര്‍ത്തകനായ സായൂജിനെ കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.
ബുധനാഴ്ച രാത്രി പത്തോടെ മാട്ടുവായി ഡി.വൈ.എഫ്.ഐ ഓഫിസിനു സമീപം സുഹൃത്തുക്കളുമായി സംസാരിച്ചു നില്‍ക്കുന്നതിനിടെ സായൂജ്, സുനില്‍, മോഹന്‍ എന്നിവര്‍ സി.പി.എം പ്രവര്‍ത്തകരെ മര്‍ദിച്ചതാണ് പ്രശ്‌നങ്ങള്‍ക്ക് തുടക്കമായത്.
ഇതിനിടിയില്‍ സമീപത്തെ വീട്ടില്‍നിന്നു കാറില്‍ പുറത്തേക്ക് വരികയായിരുന്ന ദാമോദനെയും കുടുംബത്തെയും ബി.ജെ.പി പ്രവര്‍ത്തകര്‍ അക്രമിക്കുയായിരുന്നുവെന്ന് പൊലിസില്‍ കൊടുത്ത പരാതിയില്‍ പറയുന്നു.