ആലുവ: കുണ്ടന്നൂരില്‍ വച്ച് ഒരു കോടിയുടെ മയക്കു മരുന്നുമായി ഒരാളെ പിടികൂടിയ സംഭവത്തില്‍ അന്വേഷണം ഗോവയിലേക്ക് നീട്ടാന്‍ എക്‌സൈസ് തീരുമാനിച്ചു. നിരവധി തവണ ഗോവയില്‍ നിന്ന് മയക്കുമരുന്നുകള് കൊച്ചിയില്‍ എത്തിച്ചിട്ടുണ്ടെന്ന പ്രതിയുടെ മൊഴിയുടെ അടിസ്ഥാനത്തിലാണ് ഇവ നല്‍കുന്ന വലിയ കണ്ണിയെ പിടികൂടാന്‍ എക്‌സൈസ് സംഘം തീരുമാനിച്ചിരിക്കുന്നത്. ഗോവയില്‍ നിന്ന് കൊച്ചിയിലേയ്ക്ക മയക്കുമരുന്ന് എത്തിക്കുന്നതിലെ പ്രധാനയാളാണ് കഴിഞ്ഞ ദിവസം പിടിയിലായത്. വാണിജ്യ അളവിലുള്ള മയക്കുമരുന്നുകള്‍ കൈവശമുള്ളതിനാല്‍ ഇതില്‍ കൂടുതല്‍ കണ്ണികളുണ്ടാകാനുള്ള സാധ്യതയും എക്‌സൈസ് തള്ളികളയുന്നില്ല.
കഴിഞ്ഞ ദിവസം രാത്രിയിലാണ് കുമ്പളം ബ്ലായിത്തറ വീട്ടില്‍ സനീഷിനെ എക്‌സൈസ് സ്‌പെഷ്യല്‍ സ്‌ക്വാഡ് പിടികൂടിയത്. സ്ഫടിക രൂപത്തിലുള്ള 47 ഗ്രാം എം.ഡി.എം.എ, മൂന്നു ഗ്രാം ദ്രവരൂപത്തിലുള്ള എം.ഡി.എം.എ., പതിനൊന്നു ഗ്രാം കൊക്കെയിന്‍, 250 ഗ്രാം ഹാഷിഷ് ഓയില്‍, 205 ഗ്രാം ചരസ്, ഇവ തൂക്കാനുപയോഗിക്കുന്ന മൊബൈല്‍ രൂപത്തിലുള്ള ത്രാസ്, അനുബന്ധ ഉപകരണങ്ങള്‍ എന്നിവയും പിടിച്ചെടുത്തിരുന്നു.
കൊച്ചിയിലെ ഡി.ജെ. പാര്‍ട്ടികള്‍ക്കും മറ്റും മറ്റും മയക്കു മരുന്ന് എത്തിക്കുന്ന ജോലി സനീഷിന്റേതായിരുന്നുവെന്ന് എക്‌സൈസ് കണ്ടെത്തിയിട്ടുണ്ട്.