തിരുവനന്തപുരം: അഞ്ചു തസ്തികകളില്‍ സാധ്യതാ പട്ടിക പ്രസിദ്ധീകരിക്കാന്‍ ഇന്നലെ ചേര്‍ന്ന പി.എസ്.സി യോഗം തീരുമാനിച്ചു.

പാലക്കാട്, തൃശൂര്‍, എറണാകുളം ജില്ലകളിലെ വിവിധ വകുപ്പുകളില്‍ ആയ (എന്‍.സി.എ-എല്‍.സി, എ.ഐ, മുസ്‌ലിം, എസ്.സി, ഈഴവ), കൊല്ലം, കോട്ടയം, വയനാട്, കാസര്‍കോട് ജില്ലകളില്‍ ആരോഗ്യ വകുപ്പില്‍ മോട്ടോര്‍ മെക്കാനിക്, ഇടുക്കി ജില്ലയില്‍ ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് രണ്ട് (ഹോമിയോ) (രണ്ടാം എന്‍.സി.എ.-വിശ്വകര്‍മ്മ), മലപ്പുറം ജില്ലയില്‍ ഫാര്‍മസിസ്റ്റ് ഗ്രേഡ് രണ്ട് (ഹോമിയോ) (രണ്ടാം എന്‍.സി.എ-ഹിന്ദു നാടാര്‍), ഇടുക്കി ജില്ലയില്‍ ഫാര്‍മസിസ്റ്റ് ഗ്രേഡ് രണ്ട് (ഹോമിയോ) (രണ്ടാം എന്‍.സി.എ-എസ്.സി) എന്നീ തസ്തികകളിലേയ്ക്കാണ് സാധ്യതാ പട്ടിക പ്രസിദ്ധീകരിക്കുക.
കെ.എസ്.എഫ്.ഇ ലിമിറ്റഡില്‍ പ്യൂണ്‍, വാച്ച്മാന്‍ (പാര്‍ട്ട്‌ടൈം ജീവനക്കാരില്‍ നിന്നുള്ള നേരിട്ടുള്ള നിയമനം) എന്നീ തസ്തികയില്‍ അഭിമുഖം നടത്താനും മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ ഇന്‍ഫെക്ഷ്യസ് ഡിസീസസ്, സീനിയര്‍ ലക്ചറര്‍ ഇന്‍ ഡെര്‍മറ്റോളജി ആന്‍ഡ് വെനറോളജി (ഒന്നാം എന്‍.സി.എ- എസ്.സി), ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ഹയര്‍ സെക്കന്‍ഡറി സ്‌കൂള്‍ ടീച്ചര്‍ കൊമേഴ്‌സ് (ജൂനിയര്‍), ഹയര്‍ സെക്കന്‍ഡറി സ്‌കൂള്‍ ടീച്ചര്‍ സോഷ്യോളജി (പട്ടിക വര്‍ഗക്കാരില്‍ നിന്നുള്ള പ്രത്യേക നിയമനം) എന്നീ തസ്തികകളില്‍ ചുരുക്കപ്പട്ടിക പ്രസിദ്ധീകരിക്കാനും ആരോഗ്യ വകുപ്പില്‍ ഇ.സി.ജി ടെക്‌നീഷ്യന്‍ ഗ്രേഡ് രണ്ട് (പട്ടിക വര്‍ഗ്ഗക്കാരില്‍ നിന്നുള്ള പ്രത്യേക നിയമനം) എന്ന തസ്തികയില്‍ റാങ്ക് പട്ടിക പ്രസിദ്ധീകരിക്കാനും തീരുമാനിച്ചു.
മെഡിക്കല്‍ വിദ്യാഭ്യാസ വകുപ്പില്‍ ക്ലിനിക്കല്‍ ഓഡിയോമെട്രിഷ്യന്‍ ഗ്രേഡ് രണ്ട്, കേരള വാട്ടര്‍ അതോറിറ്റിയില്‍ ഡെപ്യൂട്ടി അക്കൗണ്ട്‌സ് മാനേജര്‍ എന്നീ തസ്തികകളിലേയ്ക്ക് ഓണ്‍ലൈന്‍ പരീക്ഷ നടത്തും.
കൂടാതെ കോളജ് വിദ്യാഭ്യാസ വകുപ്പില്‍ ലക്ചറര്‍ ഇന്‍ ഉറുദു (രണ്ടാം എന്‍.സി.എ-ഒ.ബി.സി) തസ്തികയുടെ ഒഴിവ് മാതൃകാ റാങ്ക് പട്ടികയിലെ മറ്റ് പിന്നാക്ക വിഭാഗങ്ങള്‍ക്ക് നല്‍കി നികത്തുവാനും, ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ഹയര്‍ സെക്കന്‍ഡറി സ്‌കൂള്‍ ടീച്ചര്‍ അറബിക് (ജൂനിയര്‍) (രണ്ടാം എന്‍.സി.എ-ഈഴവ, എല്‍.സി, ഒ.ബി.സി, വിശ്വകര്‍മ) തസ്തികയുടെ ഒഴിവ് മാതൃകാ റാങ്ക് പട്ടികയിലെ മറ്റ് പിന്നാക്കവിഭാഗങ്ങള്‍ക്ക് നല്‍കി നികത്തും.
കേരള മിനറല്‍സ് ആന്‍ഡ് മെറ്റല്‍സ് ലിമിറ്റഡില്‍ കമ്പൗണ്ടര്‍ തസ്തികയുടെ ഒഴിവ് പ്ലാന്റേഷന്‍ കോര്‍പ്പറേഷന്‍ കേരള ലിമിറ്റഡ്, സ്റ്റേറ്റ് ഫാമിങ് കോര്‍പ്പറേഷന്‍ ലിമിറ്റഡ് തസ്തികക്കായി നിലവിലുള്ള റാങ്ക് പട്ടികയിലെ ഉദ്യോഗാര്‍ഥികളില്‍നിന്ന് സമ്മതപത്രം വാങ്ങി നികത്തുവാനും യോഗം തീരുമാനിച്ചു.