എളവള്ളി: സര്‍ക്കാരിന്റെ വിവിധ പെന്‍ഷന്‍ പദ്ധതികളെ കുറിച്ച് വിശദീകരിക്കുന്നതിനായി എല്‍.ഡി.എഫ് നേതാക്കള്‍ വിളിച്ചു ചേര്‍ത്ത പെന്‍ഷന്‍ ഉപഭോക്താക്കളുടെ സംഗമം തെരഞ്ഞെടുപ്പ് കമ്മിഷന്‍ പ്രതിനിധികള്‍ തടഞ്ഞു.
എളവള്ളി മമ്മായി സെന്ററിലെ സാമ്പത്തികോദ്ധാരണ സംഘം ഹാളിലാണ് സംഗമം സംഘടിപ്പിച്ചിരുന്നത്.
പെന്‍ഷന്‍ ഈ സംഗമത്തില്‍ വിതരണം ചെയ്യുമെന്നും കണ്‍വന്‍ഷന് വരാത്തവര്‍ക്ക് ഇനി പെന്‍ഷന്‍ ലഭിക്കില്ലെന്നും ഗുണഭോക്താക്കളോട് പറഞ്ഞതായാണ് പരാതി.
ഇത് വോട്ടര്‍മാരെ സ്വാധീനിക്കാനാണ് എന്ന് ചൂണ്ടിക്കാട്ടി തെരഞ്ഞെടുപ്പ് കമ്മിഷന്റെ സീ വിജില്‍ വാട്‌സ് ആപ്പ് നമ്പറില്‍ ലഭിച്ച പരാതിയുടെ അടിസ്ഥാനത്തില്‍ കണ്‍വന്‍ഷന്‍ നടത്തരുതെന്ന് കമ്മിഷന്‍ ആവശ്യപ്പെടുകയായിരുന്നു.
മുരളി പെരുനെല്ലി എം.എല്‍.എയാണ് ഉദ്ഘാടനം ചെയ്യേണ്ടിയിരുന്നത്.
എന്നാല്‍ സംഗമം വേണ്ടെന്ന് വയ്ക്കുകയായിരുന്നെന്നും തെരഞ്ഞെടുപ്പ് കമ്മിഷന്‍ ഇടപെട്ടില്ലെന്നും ഇടത് നേതാക്കള്‍ പറഞ്ഞു.