മണ്ണഞ്ചേരി: വിടപറയൂ വിപത്തിനോട്, വികൃതമാകാതിരിക്കട്ടെ യൗവനം എന്ന പ്രമേയവുമായി മയക്കുമരുന്ന് ലഹരിക്കെതിരേ ബോധവല്‍ക്കരണ കാംപയിനുമായി യങ് സ്റ്റാര്‍ ആര്‍ട്‌സ് ആന്റ് സ്‌പോര്‍ട്‌സ് ക്ലബ് പ്രവര്‍ത്തകര്‍.
മണ്ണഞ്ചേരി പൊലിസിന്റെയും എക്‌സൈസ് വകുപ്പിന്റെയും സഹകരണത്തോടെയാണ് കാംപയിന്‍ നടത്തുന്നത്. വീടുകള്‍ തോറും കയറിയിറങ്ങി ലഖുലേഖകള്‍ വിതരണം ചെയ്തും രക്ഷാകര്‍ത്താക്കളെയും യുവാക്കളെയും ബോധവല്‍ക്കരിച്ചുമാണ് കാംപയിന്‍.
 എസ്.ഐ കെ. രാജന്‍ബാബു കാംപയിന്‍ ഉദ്ഘാടനം ചെയ്തു. എസ്. മുഹമ്മദ് കോയ തങ്ങള്‍, നൗഷാദ് പനമ്പള്ളി, ജാബിര്‍ നൈ, മുഹമ്മദ് സാലിഹ്, റ്റി.എ അലിക്കുഞ്ഞ്ആശാന്‍, നൗഫല്‍  കുന്നപ്പള്ളി, അനന്തു, തോമസ്, അഫ്‌സല്‍, അഷ്‌റഫ്, നിഷാദ്, അന്‍സില്‍, ജാരിസ് തുടങ്ങിയവരും മണ്ണഞ്ചേരി പൊലിസ് സ്റ്റേഷനിലെ സിവില്‍ പൊലിസ് ഓഫിസര്‍മാരും പങ്കെടുത്തു.