വടകര: ഏഷ്യന്‍ യൂത്ത് വോളിബോള്‍ ടൂര്‍ണമെന്റില്‍ ഇന്ത്യക്കുവേണ്ടി ജഴ്‌സിയണിഞ്ഞ ഓര്‍ക്കാട്ടേരി മുയിപ്ര സ്വദേശി അഭിഷേകിനും രാഷ്ട്രപതിയുടെ വിശിഷ്ടസേവാ മെഡലിന് അര്‍ഹനായ മേജര്‍ ജനറല്‍ സുരേഷ് മേനോനും ഏറാമല പഞ്ചായത്തും ഓര്‍ക്കാട്ടേരി പൗരാവലിയും സംയുക്തമായി സ്വീകരണം നല്‍കി.
ചടങ്ങ് പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്തു. ഏറാമല പഞ്ചായത്ത് പ്രസിഡന്റ് എം.കെ ഭാസ്‌കരന്‍ അധ്യക്ഷനായി. സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ഉപഹാര സമര്‍പ്പണം നിര്‍വഹിച്ചു.
ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍, ഒ. രാജഗോപാല്‍, എന്‍. വേണു, ഇല്ലത്ത് ദാമോദരന്‍, പുതിയെടുത്ത് കൃഷ്ണന്‍, എന്‍.എം ബിജു, ഞേറലാട്ട് രവീന്ദ്രന്‍, കുനിയില്‍ രവീന്ദ്രന്‍, ഒ.കെ വാസു, പി.കെ കുഞ്ഞിക്കണ്ണന്‍, കെ.കെ റഹീം, ബഷീര്‍ പട്ടാര, ഇ.പി രാജേഷ് സംസാരിച്ചു.