വടകര: ഓര്‍ക്കാട്ടേരി കാച്ചിനാംകുനി വയലില്‍നിന്ന് ചാരായ നിര്‍മാണത്തിന് ഉപയോഗിക്കുന്ന 700 ലിറ്റര്‍ വാഷും ഉപകരണങ്ങളും പിടികൂടി. എടച്ചേരി പൊലിസിന് ലഭിച്ച രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് ഇവ പിടികൂടിയത്.
പരിശോധനക്ക് എസ്.ഐ എം. സുനില്‍, എ.എസ്.ഐ പി. ഹരിദാസന്‍, സി.പി.ഒമാരായ ഇ. ഗണേശന്‍, കെ. ലതീഷ്, സരീഷ് കുമാര്‍, അനൂപ് എന്നിവര്‍ പങ്കെടുത്തു.
ഓണ വിപണി ലക്ഷ്യമിട്ട് വിവിധ പ്രദേശങ്ങളില്‍ വ്യാജ വാറ്റ് നടക്കുന്നുണ്ടെന്ന വിവരം ലഭിച്ചതിനെ തുടര്‍ന്നാണ് എടച്ചേരി പൊലിസ് പരിശോനക്കായി ഇറങ്ങിയത്. പരിശോധന തുടരുമെന്ന് എസ്.ഐ അറിയിച്ചു.