ബാലുശ്ശേരി: ബാലുശ്ശേരി ടൗണില്‍ വര്‍ധിച്ചുവരുന്ന മോഷണങ്ങള്‍ക്ക് അറുതി വരുത്തുന്നതിന്റെ ഭാഗമായി ടൗണില്‍ കാമറകള്‍ സ്ഥാപിച്ചു.
വ്യാപാര-ധനകാര്യ സ്ഥാപന ഉടമകളുടെ നേതൃത്വത്തില്‍ ബാലുശ്ശേരി പൊലിസിന്റെ സഹകരണത്തോടെയാണ് കാമറകള്‍ സ്ഥാപിച്ചത്.
പദ്ധതിയുടെ ഉദ്ഘാടനം പുരുഷന്‍ കടലുണ്ടി എം.എല്‍.എ നിര്‍വഹിച്ചു. താമരശ്ശേരി ഡിവൈ.എസ്.പി പി.സി സജീവന്‍ അധ്യക്ഷനായി. ജില്ലാ പൊലിസ് മേധാവി കെ. ജയദേവ് മുഖ്യപ്രഭാഷണം നടത്തി. സി.ഐ കെ. സുഷീര്‍, എസ്.ഐ കെ. സുമിത് കുമാര്‍, മാഹിന്‍ നെരോത്ത്, ഇ.കെ ഗിരിധരന്‍ സംസാരിച്ചു.