മാഡ്രിഡ്: ലാലിഗയില്‍ റയല്‍ മാഡ്രിഡ് കിരീടത്തിലേക്ക് കുതിക്കുന്നു. ഇന്നലെ നടന്ന മത്സരത്തില്‍ എതിരില്ലാത്ത ഒരു ഗോളിന് റയല്‍ മാഡ്രിഡ് അത്‌ലറ്റിക്ക് ക്ലബിനെ തകര്‍ത്തു. 

ശക്തമായ മത്സരത്തിനൊടുവില്‍ 73ാം മിനുട്ടില്‍ ലഭിച്ച പെനാല്‍റ്റിയില്‍ നിന്ന് നായകന്‍ റാമോസാണ് റയലിന്റെ വിജയ ഗോള്‍ നേടിയത്. മാഴ്‌സലോയെ ബോക്‌സില്‍ വീഴ്ത്തിയതിനായിരുന്നു റഫറി പെനാല്‍റ്റി വിധിച്ചത്. 

ഇതോടെ 34 മത്സരത്തില്‍ നിന്ന് റയല്‍ മാഡ്രിഡിന് 77 പോയിന്റായി. ഇന്നലെ നടന്ന ഗ്രനഡ - വലന്‍സിയ മത്സരം 2-2 എന്ന സ്‌കോറിന് സമനിലയില്‍ കലാശിച്ചു.