കോഴിക്കോട്: തീരദേശ മേഖലയിലെ വിദ്യാഭ്യാസ പുരഗതി ലക്ഷ്യം വച്ച് ഇടിയങ്ങര യുവസാഹിതി സമാജം ആരംഭിച്ച സാന്റ് ഷൈന്‍സ് പ്രൊജക്ടിന്റെ കീഴില്‍ നടത്തി വരുന്ന വിദ്യാഭ്യാസ പരിപാടികളുടെ വാര്‍ഷികാഘോഷം ജില്ലാ ജയില്‍ അസിസ്റ്റന്റ് സൂപ്രണ്ട് സണ്ണി ഡാനിയല്‍ ഉദ്ഘാടനം ചെയ്തു. കെ.വി കുഞ്ഞഹമ്മദ് മുഖ്യപ്രഭാഷണം നടത്തി. ചടങ്ങില്‍ വിവിധ പരീക്ഷകളില്‍ ഉന്നതവിജയം നേടിയവരെ ചടങ്ങില്‍ ക്യാഷ് അവാര്‍ഡും ഉപഹാരവും അക്‌നോറല്‍ ഗ്രൂപ്പ് ചെയര്‍മാന്‍ പി.കെ അബ്ദുല്ലക്കോയ വിതരണം ചെയ്തു. എക്‌സ്‌പ്ലോര്‍-19ന്റെ പ്രഖ്യാപനം മലബാര്‍ ഗ്രൂപ്പ് എക്‌സിക്യൂട്ടിവ് ഡയരക്ടര്‍ എ.കെ നിഷാദ് നിര്‍വഹിച്ചു. യുവസാഹിതി സമാജം പ്രസിഡന്റ് എന്‍.പി ഹാഫിസ് മുഹമ്മദ് അധ്യക്ഷനായി. കെ.എം റാഷിദ് അഹമ്മദ്, മുസ്തഫ പുതിയകം സംസാരിച്ചു.