മുക്കം: വിദ്യാര്‍ഥികളുടെ യാത്രാക്ലേശം പരിഹരിക്കുന്നതിനായി പന്നിക്കോട് എ.യു.പി സ്‌കൂളില്‍ പുതിയ ബസ് സര്‍വിസ് ആരംഭിച്ചു. സ്‌കൂളില്‍ നടന്ന ചടങ്ങില്‍ എം.ഐ ഷാനവാസ് എം.പി ബസ് ഫ്‌ളാഗ് ഓഫ് ചെയ്തു.
രണ്ടു വര്‍ഷത്തോളമായി പന്നിക്കോട് കേന്ദ്രീകരിച്ച് പൊതുവിദ്യാഭ്യാസ സംരക്ഷണത്തിനായി നടന്നു വരുന്ന കൂട്ടായ്മയുടെ പ്രവര്‍ത്തനം അഭിനന്ദനാര്‍ഹമാണെന്ന് അദ്ദേഹം പറഞ്ഞു. സര്‍വിസില്‍ നിന്ന് വിരമിച്ച പ്രധാനാധ്യാപിക പി. കുസുമത്തിന് പൂര്‍വ വിദ്യാര്‍ഥികളുടെ ഉപഹാരം എം.പി സമ്മാനിച്ചു. എം.പിക്കുള്ള നാടിന്റെ ഉപഹാരം പൂര്‍വ വിദ്യാര്‍ഥി നീലാണ്ടന്‍ സമ്മാനിച്ചു.
വാര്‍ഡ് മെംബര്‍ ഷിജി പരപ്പില്‍ അധ്യക്ഷയായി. സി. ഫസല്‍ ബാബു, പി. ഉപ്പേരന്‍, ടി.കെ ജാഫര്‍, മജീദ് പുളിക്കല്‍, രമേശ് പണിക്കര്‍, ഉണ്ണി കൊട്ടാരത്തില്‍, ബഷീര്‍ പാലാട്ട്, മാനേജര്‍ സി. കേശവന്‍ നമ്പൂതിരി, പ്രധാനധ്യാപിക കെ.കെ ഗംഗ, ഹക്കീം കളന്‍തോട്, ഫലീല, സുലൈഖ പൊലുകുന്നത്ത്, കരീം പഴങ്കല്‍, പി. അബ്ദു സംസാരിച്ചു. റഫീഖ് ബാബു, ശരീഫ് ആദംപടി, പി.പി റസല, വി.പി ഗീത, രമേശന്‍, രമ്യ സുമോദ്, റസീന മജീദ് നേതൃത്വം നല്‍കി.