കാഞ്ഞങ്ങാട്: കിഴക്കുംകര മണലില്‍ മെട്രോ ആര്‍ട്‌സ് ആന്റ് സ്‌പോര്‍ട്‌സ് ക്ലബിന്റെ ഒരുവര്‍ഷം നീണ്ടുനില്‍ക്കുന്ന സില്‍വര്‍ ജൂബിലി ആഘോഷപരിപാടികള്‍ക്കു തുടക്കമായി. റവന്യു മന്ത്രി ഇ ചന്ദ്രശേഖരന്‍ ആഘോഷപരിപാടികള്‍ ഉദ്ഘാടനം ചെയ്തു. സംഘാടകസമിതി ചെയര്‍മാന്‍ എം.വി രാഘവന്‍ അധ്യക്ഷനായി. സുനില്‍ കുന്നരു മുഖ്യപ്രഭാഷണം നടത്തി. നഗരസഭാ സ്റ്റാന്‍ഡിങ് കമ്മിറ്റിചെയര്‍പേഴ്‌സണ്‍ ഗംഗാരാധാകൃഷ്ണന്‍, അജന്നൂര്‍ ഗ്രാമപഞ്ചായത്ത് അംഗം മോഹനന്‍ കണ്ടത്തില്‍,  സംഘാടകസമിതി രക്ഷാധികാരി കോടാട്ട് കൃഷ്ണന്‍, കിഴക്കുംകര ശാന്തി കലാമന്ദിരം സെക്രട്ടറി കെ വിശ്വനാഥന്‍, കാഞ്ഞങ്ങാട് കലാകായികകേന്ദ്രം പ്രസിഡന്റ് എം ചന്ദ്രന്‍, റെഡ്സ്റ്റാര്‍ യൂത്ത്‌സെന്റര്‍ സെക്രട്ടറി എം സുനില്‍, മുച്ചിലോട്ട് ഗവ. എല്‍.പി സ്‌കൂള്‍ പ്രധാനധ്യാപിക പി ഉഷ സംസാരിച്ചു. തുടര്‍ന്നു കലാസന്ധ്യയും നാട്ടറിവുപാട്ടുകളും അരങ്ങേറി.