നീലേശ്വരം: ഹൗസ് ബോട്ട് ടെര്‍മിനലിനു സമീപം ഓട്ടോ പുഴയിലേക്കു മറിഞ്ഞു മുങ്ങിത്താണ പിഞ്ചുകുട്ടികള്‍ ഉള്‍പ്പെടെയുള്ളവരെ രക്ഷിച്ച വഞ്ചിവീട് ജീവനക്കാരായ കെ വിനോദ്, ടി.എം വിനോദ്, മധുസൂദനന്‍, പ്രവീണ്‍, സത്യന്‍, സജീവന്‍, ഷിജില്‍, സുരേഷ്, സുനില്‍ എന്നിവരെ ജില്ലാ ഹൗസ്‌ബോട്ട് ഓപറേറ്റേഴ്‌സ് അസോസിയേഷന്‍ പ്രസിഡന്റ് കെ.വി കൃഷ്ണന്‍, സെക്രട്ടറി വി.വി രാജേഷ് എന്നിവര്‍ അഭിനന്ദിച്ചു. റോഡിനു വീതികൂട്ടി പുഴയോരത്തു കൈവരികള്‍ സ്ഥാപിക്കണമെന്നും ജീവന്‍രക്ഷാ പരിശീലനം ലഭിച്ച ടൂറിസം പൊലിസിനെ നിയോഗിക്കണമെന്നും അസോസിയേഷന്‍ ആവശ്യപ്പെട്ടു.