തൃക്കരിപ്പൂര്‍: മേയ് ആറു മുതല്‍ ഏപ്രില്‍ വരെ നടക്കുന്ന എടാട്ടുമ്മല്‍ സുഭാഷ് സ്‌പോര്‍ട്‌സ് ക്ലബിന്റെ സുവര്‍ണ ജൂബിലി ആഘോഷത്തിന്റെ ഫണ്ട് ശേഖരണം ക്ലബ് അങ്കണത്തില്‍ നടന്നു. തൃക്കരിപ്പൂര്‍ ഗ്രാമപഞ്ചായത്ത് പ്രസിഡന്റ് വി.പി ഫൗസിയ റിട്ട. വിദ്യാഭ്യാസ ഡെപ്യൂട്ടി ഡയറക്ടര്‍ സൗമിനി കല്ലത്തില്‍ നിന്നു ആദ്യഫണ്ട് ഏറ്റുവാങ്ങി. ചടങ്ങില്‍ സംഘാടകസമിതി ചെയര്‍മാന്‍ വെങ്ങാട്ട് കുഞ്ഞിരാമന്‍ അധ്യക്ഷനായി. റിട്ട. എ.ഇ.ഒ കെ.വി രാഘവന്‍, വി.കെ ചന്ദ്രന്‍, കെ ലക്ഷ്മി, ടി അജിത, ക്ലബ് പ്രസിഡന്റ് ടി ദാമോദരന്‍, സംഘാടകസമിതി ജനറല്‍ കണ്‍വീനര്‍ വി.വി കൃഷ്ണന്‍ സംസാരിച്ചു.