വളപട്ടണം: ഹരിതകേരളം പദ്ധതികള്‍  നാടെങ്ങും നടക്കുമ്പോഴും വളപട്ടണം മാര്‍ക്കറ്റിനുസമീപം മൂക്കുപൊത്തി വേണം നടക്കാന്‍. പതിറ്റാണ്ടുകള്‍ പഴക്കമുള്ള ഈ മാര്‍ക്കറ്റിനു സമീപമുള്ള തോട്ടിലാണ് മാലിന്യം നിറഞ്ഞിരിക്കുന്നത്. അറവുമാലിന്യങ്ങള്‍ രാത്രികാലങ്ങളില്‍ തോട്ടിലേക്ക് വാഹനങ്ങളില്‍ വരുന്നവര്‍ യാതൊരു തടസവുമില്ലാതെ തള്ളുകയാണ്.  ഇറച്ചി മാലിന്യങ്ങള്‍ തള്ളുന്നതിനാല്‍ ഇവിടെ കൊതുകു വളര്‍ത്തുകേന്ദ്രമായി മാറിയിട്ടുണ്ട്.
കാക്കകള്‍ ഇറച്ചി അവശിഷ്ടങ്ങള്‍ കൊത്തി വലിച്ചു തൊട്ടടുത്തുള്ള വീടുകളിലെകിണറുകളില്‍ കൊണ്ടിടുന്നത് ഗുരുതരമായ പ്രതിസന്ധിയാണ് സൃഷ്ടിക്കുന്നത്.  തെരുവുനായ്ക്കളുടെ ശല്യവും രൂക്ഷമാണ്. വളപട്ടണം റെയില്‍വെ ട്രാക്കിലും സ്‌റ്റേഷന്‍കവാടത്തിനരികിലും മാലിന്യം കുന്നുകൂടി കിടക്കുകയാണ്.