കല്‍പ്പറ്റ: ജൂലൈ, ഓഗസ്റ്റ് മാസങ്ങളിലായി നടക്കുന്ന സുപ്രഭാതം ആറാമത് കാംപയിന്‍ വിജയിപ്പിക്കാന്‍ എസ്.വൈ.എസ് മേഖലാ സെക്രട്ടറിമാരുടെ യോഗം തീരുമാനിച്ചു.
ആറാമത് കാംപയിന്‍ ആചരിക്കുമ്പോള്‍ ഏഴാമത് എഡിഷന് തുടക്കം കുറിക്കാന്‍ സാധിച്ചത് സുപ്രഭാതത്തിന് മലയാള പത്രമാധ്യമ രംഗത്തു ലഭിച്ച അംഗീകാരത്തിന്റെ അടയാളമാണെന്നും യോഗം ചൂണ്ടിക്കാട്ടി. സുപ്രഭാതം കൂടുതല്‍ വരിക്കാരിലേക്ക് എത്തിക്കുന്നതിന് ആവശ്യമായ പദ്ധതികള്‍ നടപ്പാക്കും. ഇതിനായി മേഖല ശാഖ തലങ്ങളില്‍ സ്‌പെഷ്യല്‍ മീറ്റ് വിളിച്ചു ചേര്‍ക്കാനും യോഗം തീരുമാനിച്ചു. മുജീബ് ഫൈസി കമ്പളക്കാട് അധ്യക്ഷനായ യോഗത്തില്‍ വെള്ളേരി ഹസൈനാര്‍, ഷെയ്ഖ് മോയി, ഉസ്മാന്‍ ദാരിമി പന്തിപ്പൊയില്‍, ഹാരിസ് ബനാന, ഹംസ മൗലവി, അബൂബക്കര്‍ റഹ്മാനി, മുഹമ്മദലി അഹ്‌സനി, ഇവണ്‍ സാദിഖ്, അഷ്‌റഫ് മൗലവി സംബന്ധിച്ചു. ജില്ലാ സെക്രട്ടറി കെ. മുഹമ്മദ്കുട്ടി ഹസനി സ്വാഗതവും വര്‍ക്കിങ് സെക്രട്ടറി കെ.എ നാസര്‍ മൗലവി നന്ദിയും പറഞ്ഞു.