ജിദ്ദ: ഹജ്ജ് താമസ കെട്ടിട നടപടികള്‍ക്കാവശ്യമായ നടപടികള്‍ പൂര്‍ത്തിയാക്കിയതായും 11 ലക്ഷം തീര്‍ഥാടകര്‍ക്ക് താമസിക്കാന്‍ സൗകര്യമുള്ള 2300 കെട്ടിടങ്ങള്‍ക്ക് ലൈസന്‍സുകള്‍ വിതരണം ചെയ്തതായും ഹജ്ജ് താമസ കെട്ടിട സമിതി മേധാവി മാസിന്‍ മുഹമ്മദ് സിനാരി പറഞ്ഞു. റജബ് മാസം അവസാനിക്കുന്നതിന് മുന്‍പ് ഹജ്ജ് കെട്ടിട ലൈസന്‍സിനുള്ള നടപടികള്‍ ഉടമകള്‍ പൂര്‍ത്തിയാക്കിയിരിക്കണമെന്നും അദ്ദേഹം ആവശ്യപ്പെട്ടു.