പഴയങ്ങാടി: മാട്ടൂല്‍ സെന്‍ട്രല്‍ ഹിദായത്തുല്‍ ഇസ്‌ലാം സഭയുടെ കീഴിലുള്ള ഹിദായത്തുല്‍ ഇസ്‌ലാം മദ്‌റസയിലെ ഒന്നാംക്ലാസ് വിദ്യാര്‍ഥികള്‍ക്കുള്ള പാഠപുസ്തക വിതരണ ഉദ്ഘാടനം സമസ്ത ജില്ലാ വൈസ് പ്രസിഡന്റ് എ. ഉമര്‍ക്കോയ തങ്ങള്‍ നിര്‍വഹിച്ചു. അബ്ദുറഊഫ് ഹസനി അധ്യക്ഷനായി. കെ.കെ അലി, പി.പി അബൂബക്കര്‍ ഹാജി, ഉമര്‍ മൗലവി, ഹംസ മൗലവി, കബീര്‍ മൗലവി, ഗഫൂര്‍ മൗലവി, ജലീല്‍ മുട്ടം, ആരിഫ് മൗലവി, മുഹമ്മദ് മൗലവി സംസാരിച്ചു.
പുസ്തക പ്രദര്‍ശനം
പയ്യാവൂര്‍: വായനാ പക്ഷാചരണത്തിന്റെ ഭാഗമായി പയ്യാവൂര്‍ ഗവ. യു.പി സ്‌കൂള്‍ വിദ്യാര്‍ഥികള്‍ പയ്യാവൂര്‍ ബസ് സ്റ്റാന്‍ഡില്‍ പുസ്തക പ്രദര്‍ശനം നടത്തി. പയ്യാവൂര്‍ പഞ്ചായത്ത് പ്രസിഡന്റ് ഡെയ്‌സി ചിറ്റൂപ്പറമ്പില്‍ ഉദ്ഘാടനം ചെയ്തു. പഞ്ചായത്തംഗം പി.കെ ബാലകൃഷ്ണന്‍ അധ്യക്ഷനായി. പ്രധാനധ്യാപകന്‍ ടോമി കുരുവിള, എന്‍.പി ബേബി, ആര്‍.വി പവിത്രന്‍, കെ. രാഘവന്‍, എം. ബിന്ദു, എം.പി സിറിയക്ക്, പി. ഉഷാകുമാരി സംസാരിച്ചു.