പാനൂര്‍: പാനൂര്‍ ജനമൈത്രി പൊലിസിന്റെ ജനമൈത്രി കേന്ദ്രവും ലൈബ്രറിയുടെ ഉദ്ഘാടനവും നാളെ നടക്കും.
 പൊലിസ് സ്റ്റേഷനുകള്‍ ജനസൗഹൃദ കേന്ദ്രങ്ങളാക്കുക എന്ന ലക്ഷ്യത്തോടെ ജനമൈത്രി സുരക്ഷാ പദ്ധതിയുടെ കീഴില്‍ എലാങ്കോട്ടെ മുഫീദിന്റെയും മുനീറിന്റെയും സ്മരണക്കായി ലഭിച്ച പുസ്തകങ്ങളും മറ്റു ആനുകാലിക പ്രസിദ്ധീകരണങ്ങളും ഒരുക്കിയാണ് ലൈബ്രറി സജ്ജീകരിച്ചത്.
നാളെ വൈകുന്നേരം അഞ്ചിന് ജില്ലാ പൊലിസ് മേധാവി ശിവവിക്രം ഉദ്ഘാടനം ചെയ്യും. തലശ്ശേരി ഡി.വൈ.എസ്.പി.പ്രിന്‍സ് എബ്രഹാം മുഖ്യപ്രഭാഷണം നടത്തും. പാനൂര്‍ സി.ഐ കെ.എസ്.ഷാജി അധ്യക്ഷനാകും.
 ജനമൈത്രി പൊലിസുമായി സഹകരിച്ച് പ്രവര്‍ത്തിക്കുന്ന വിവിധ മേഖലകളില്‍ പ്രാഗത്ഭ്യം തെളിയിച്ച വ്യക്തികളെ ചടങ്ങില്‍ അവാര്‍ഡ് നല്‍കി ആദരിക്കും.
വിദ്യാര്‍ഥികള്‍ക്കായി ക്വിസ് മത്സരം ഒരുക്കുമെന്നും സംഘാടകര്‍ അറിയിച്ചു.
 വാര്‍ത്താ സമ്മേളനത്തില്‍ എ.എസ്.ഐ എ സുനില്‍ കുമാര്‍, ജനമൈത്രി ഓഫിസര്‍ കെ ശ്രീനിവാസന്‍, വി.പി ഷാജില്‍, ഒ.ടി നവാസ് പങ്കെടുത്തു..