ആലക്കോട്: മഴക്കാല പൂര്‍വ ശുചീകരണ യജ്ഞത്തിന്റെ ഭാഗമായി ബോധവല്‍ക്കരണ മനുഷ്യ ചങ്ങല സംഘടിപ്പിച്ചു. കട്ടയാല്‍ മുതല്‍ കരിങ്കയം വരെ തീര്‍ത്ത ചങ്ങല ബ്‌ളോക് പഞ്ചായത്ത് വൈസ് പ്രസിഡന്റ് വി.പി ഗോവിന്ദന്‍ ഉദ്ഘാടനം ചെയ്തു.തളിപ്പറമ്പ് ബ്‌ളോക് പഞ്ചായത്ത്, ഒടുവള്ളി സി.എച്.സി, കരിങ്കയം ആരോഗ്യ ശുചിത്വ പോഷണ സമിതി എന്നിവയുടെ സംയുക്താഭിമുഖ്യത്തിലായിരുന്നു പരിപാടി.
 കട്ടയാല്‍ വായനശാല പരിസരം മുതല്‍ കരിങ്കയം ക്ഷേത്രം വരെ തീര്‍ത്ത ചങ്ങലയില്‍ കുടുംബശ്രീ പ്രവര്‍ത്തകര്‍, വിവിധ സാംസ്‌കാരിക, രാഷ്ട്രീയ സംഘടനകള്‍ തുടങ്ങി നിരവധിപേര്‍ അണിനിരന്നു. വാര്‍ഡ് മെമ്പര്‍ രുഗ്മിണി ശശിധരന്‍ അധ്യക്ഷയായി. ഹെല്‍ത്ത് ഇന്‍സ്‌പെക്ടര്‍ എം.ബി മുരളി, എം.എച് സുരയ്യ, വി.ടി ശ്രീരാജ്, വി.വി പത്മിനി, പി.കെ സുരേഷ്, പുരുഷോത്തമന്‍ നേതൃത്വം നല്‍കി.