ഊട്ടി: മഞ്ചൂരിലും പരിസര പ്രദേശങ്ങളിലുമുള്ള തേയിലത്തോട്ടങ്ങളില്‍ റെഡ് സ്‌പൈഡര്‍ രോഗം പടരുന്നു. മഞ്ചൂരിലെ ജനങ്ങളുടെ പ്രധാന വരുമാന മാര്‍ഗം തേയില കൃഷിയാണ്. ഇവിടെ ഇരുപതിനായിരത്തില്‍ അധികം തേയില കര്‍ഷകരുണ്ട്. കഴിഞ്ഞ നവമ്പര്‍ മാസം മുതല്‍ മഞ്ചൂര്‍ ഭാഗത്ത് മഴ ലഭിക്കാത്തതിനാല്‍ തേയില ഉല്‍പാദനം കുറഞ്ഞു പോയതിനാല്‍ കര്‍ഷകര്‍ കടുത്ത സാമ്പത്തിക പ്രതിസന്ധിയിലകപ്പെട്ട സാഹചര്യത്തിലാണ് തോട്ടങ്ങളില്‍ രോഗ ലക്ഷണം കണ്ടുതുടങ്ങിയത്.
റെഡ് സ്‌പൈഡര്‍ എന്ന കീടത്തിന്റെ ആക്രമണം മൂലം തോട്ടങ്ങള്‍ പച്ച നിറത്തിനു പകരം ചുവപ്പ് നിറത്തിലാണ് കാണപ്പെടുന്നത്.
ചെടികളുടെ ജലാംശം ഊറ്റികുടിച്ച് ചെടികളെ നശിപ്പിക്കുകയാണ് ഈ കീടങ്ങള്‍. തേയില ഉല്‍പ്പാദനം കുറഞ്ഞു പോയതോടെ സംസ്‌ക്കരണ ഫാക്ടറികള്‍ പൂട്ടേണ്ട അവസ്ഥയാണ്.